Duqeyn labaad oo ka dhacday Jilib muddo ka yar lix cisho
Duqeyn labaad oo ka dhacday Jilib muddo ka yar lix cisho
Jilib, Jubba Dhexe – Xalay fiidkii ayaa dowlada federaalka Soomaaliya waxay duqeyn cirka ah ka fulisay magaalada Jilib ee gobolka Jubba Dhexe. Tani waa duqeyntii labaad ee ka dhacda isla deegaanka muddo ka yar lix cisho.
Todobaad ka hor, dowladda Soomaaliya ayaa duqeyn kale ka geysatay Jilib, iyada oo sheegtay in ay beegsatay xarumo ay ku sugnaayeen saraakiil sare oo ka tirsan Al-Shabaab iyo goobo lagu tababaro dagaalyahannada kooxda.
Muuqaalka guud ee weerarradan ayaa muujinaya in dowladda Soomaaliya ay xoojisay duqeymaha dhanka cirka ah, gaar ahaan ka dib markii ay hesho taageero dhanka diyaaradaha dagaalka ah oo ka timid dalalka kala shaqeeya dagaalka ka dhanka ah Al-Shabaab.
Ilaa hadda, dowladda Soomaaliya wali ma aysan shaacin faahfaahin dheeraad ah oo ku saabsan khasaaraha ama natiijada duqeymihii xalay.
