Lix Qof Oo Lagu Dilay Weerar ay Al-shabaab ku qaadeen Xerada Booliska Ee Garissa
Lix Qof Oo Lagu Dilay Weerar Ka Dhacay Xerada Booliska Ee Garissa
Garissa, Maarso 23, 2025 – Ugu yaraan lix qof ayaa ku dhintay, afar kalena waa ku dhaawacmeen kadib markii dagaalyahano ka tirsan Al-Shabaab ay weerar ku qaadeen xero ay booliska kaydka qaranku Kenya ku leeyihiin deegaanka Biyamadhow ee Fafi, gobolka Garissa, aroornimadii Axadda saacaddu markay ahayd 5:30 subaxnimo.
Sida lagu sheegay warbixin boolisku soo saaray, kooxaha weerarka qaaday ayaa isticmaalay hub kala duwan si ay ula wareegaan xerada.
Ciidamada ammaanka Kenya oo ay hoggaaminayso qeybta la dagaallanka argagixisada (ATPU) ayaa bilaabay baaritaanno, iyagoo ku raad-jooga kooxihii weerarka fuliyay. Mas’uuliyiinta ayaa la filayaa inay faahfaahin dheeraad ah ka bixiyaan dhacdadan marka baaritaanku sii socdo.
