Turkiga oo Soomaaliya Ugu Deeqay Diyaaradaha Dagaalka ee T129 ATAK
Istanbul, Turkiga – Dowladda Turkiga ayaa markale dowladda Soomaaliya ugu deeqday diyaaradaha dagaalka ee qummaatiga u kaca ee nooca T129 ATAK, kuwaas oo la filayo inay dhowaan ka hawlgalaan gudaha Soomaaliya, gaar ahaan magaalada Muqdisho.
Sida lagu helayo warbixinno kala duwan oo laga helay ilo-wareedyo sirdoon oo furan (OSINT), duuliyayaal Soomaaliyeed ayaa tababar sare oo dhinaca duulista iyo dagaalka ku soo qaatay gudaha Turkiga. Duuliyayaashan ayaa hadda awood u leh inay maamulaan noocyada kala duwan ee diyaaradaha dagaalka sida T129 ATAK, T625 Gökbey, UH60, T70, UH1, CH47, iyo AS532.
T129 ATAK: Diyaarad Halis Ku Ah Al-Shabaab
Diyaaradahan cusub ee T129 ATAK ayaa si gaar ah loogu talagalay dagaalka dhulka ah, iyaga oo awood u leh inay weerarro toos ah ku qaadaan bartilmaameedyada cadowga. Waxay si weyn uga duwan yihiin diyaaradaha fudud ee horey u jiray ee lagu isticmaali jiray duqeymaha, maadaama T129 ATAK ay leedahay qalab casri ah oo u sahli kara inay si sax ah u beegsato bartilmaameedyada.
Qalabka ay diyaaradani sidato waxaa ka mid ah:
- Qoryaha Suugga iyo BM-ka Fooryaayaayaha oo awood u leh burburinta bartilmaameedyada cadowga.
- Hub laser ah oo si sax ah u fura bartilmaameedyada la beegsanayo.
- Shucaac lagu jahawareeriyo cadowga si looga hortago in la helo raadkeeda ama laga jawaabo weerarkeeda.
Maxay Tahay Ujeeddada Ka Dambeysa?
Soomaaliya ayaa sanadihii dambe waday dadaallo ay ku xoojinayso ciidamada cirka si ay u yeeshaan awood buuxda oo ay kula dagaallamaan kooxaha argagixisada ah, gaar ahaan Al-Shabaab. Turkiga ayaa kamid ah saaxiibada dhow ee Soomaaliya, waxaana iskaashi militari oo dhow uu ka dhexeeyaa labada dal.
Dhawaan waxaa la filayaa in diyaaradaha T129 ATAK ay si buuxda uga hawlgalaan gudaha Soomaaliya, taas oo ka dhigan in dowladda Soomaaliya ay heli doonto awood sare oo ay kula dagaallanto kooxaha argagixisada ah.
Waxaa la rajeynayaa in tallaabadan ay sare u qaaddo dagaalka ka dhanka ah Al-Shabaab, islamarkaana ay sare u qaaddo awoodda ciidamada cirka ee Soomaaliya.
Wararka oo dhan kala soco SomNews24.com!
